Қолаверса, сиз мероснинг ҳаммасига эгалик қилиш ҳуқуқига эгасиз. Бунга ҳеч ким монелик қилолмайди. Бойликни ҳалол, пешона тери билан тўплаган инсон бисотини кимга хоҳласа, ўшанга қолдириш ҳуқуқига эга эди. У сизни танлади. Алқисса, сиз бу бойликка тўлалигича эгалик қилсангиз қонуний йўл тутган бўласиз
Қоида ва қонунлар васвасага тушмаган, ҳаётинг бир маромда кечаётган чоғ учун ижод қилинмаган, улар баайни шу дамлар, руҳинг ва тананг туғёнга тушган пайт аҳамият касб этади, бироқ улар оғир бўлса-да, мен уларни бузмайман.
