Ғарышқа 1960 жылы ұшып, аман-сау оралған Белка мен Стрелка атты ғарышкер-иттерді бала кезімізден естіп өстік. Алайда Белка мен Стрелка ғарышта болған алғашқы тіршілік иелері емес. Ғарышқа иттерді ұшыру сынағы 1951 жылдардан басталды. Алайда оның көбісі сәтсіздікке ұшырады. Бұл деректер 2009 жылдарға дейін жасырын болып келді. Алғашқы ұшырылған иттер біресе жанып кетті, біресе жұлқыну кезіндегі соққылардан өлді, біресе ауа жетпей өлді. Ғарыш кемесінің нақты қандай траекториямен ұшуы анықталғанға дейін, бұл сынақтар 10 жыл көлемінде жүргізілді.
