Кез келген адамды өзіңе жолбасшы етіп шатаспауың үшін саған шынайы ұстаздың бойындағы белгілерін айтып берейін:
– Ол дүние-байлыққа және мансапқа қызықпайды.
– Білім шежіресі Алла елшісіне барып тірелетін өресі биік айтулы ғалымдарды өзіне ұстаз тұтып, солардың соңынан ерген адам болуы тиіс.
– Намаз, садақа, ораза секілді құлшылықтары көп, ұйқы, бос сөз, ас-ауқатты мейлінше азайтқан, сол арқылы нәпсісін тәрбиелеп, рухын шыңдаған жан болуы қажет.
– Бұған қоса, бұл ұстаз өзінің ұстазынан бір елі ажырамаған, оның көркем мінезін өзінің бойына мейлінше сіңіре білген жан болуы керек. Көркем мінездің элементтерін былайша тізбектеуге болады: сабыр, салауат, шүкір, тәуекел, терең сенім (яқин), қанағат, жүректің бекемдігі, мейірімділік, кішіпейілділік, білім, шыншылдық, ұят, адалдық, салмақтылық т.б. Міне, осы қасиеттерді бойына сіңірген жолбасшы ғана Пайғамбарымыздың мирасқоры, шамшырағы бола алады.