Бір күні Пайғамбарымызға егде жастағы бір әйел кісі барады (Сірә, Зүбәйір ибн әл-Аууамның анасы Сафия болса керек). Келген бойда өтінішін білдіріп: «Уа, Расулалла, жәннатқа кіруім үшін маған дұға етіңізші?» деп сұрайды. Пайғамбарымыз әзілдеп: «Кәрі кісілер жұмаққа кіре алмайды», – дейді. Әлгі кісі болса бұның әзіл екенін аңғармай қатты тұнжырап кетіп қалады. Сонда Пайғамбарымыз жанындағы сахабаларына «Барып, Сафия ханымға хабар айтыңдар, Алла тағала кемпірлерді кәрі күйінде емес, отыз үш жастағы жас қалпына енгізіп, жұмағына кіргізеді», – дейді82.