Ижтимоий интеллекти ривожланган-у, донолик интеллектига эга бўлмаган киши, ажойиб маркетолог, жамоатчилик билан алоқалар бўйича яхши мутахассис бўлиши мумкин, аммо у келажакда ёлғиз қолади. Чунки унинг ўзгаларга ишончи паст бўлади. Бундай инсон­лар «Кўча хандон, уй зиндон», деганларидек ўзларининг яқинлари билан яхши муносабатда бўлмайдилар. Улар биринчи бор танишган инсонларида жуда яхши таассурот қолдиришларига қарамай, ўзларига энг яқин бўлган инсонлари билан чиройли муносабат ўрната олмайдилар. Чунки улар муносабатларни сақлаб қола оладиган қобилиятга эга эмаслар