Шакл-шамойил, товуш сифати ва бошқа ўзига хос хусусиятлар ҳам маҳсулотнинг ўзини ўзи реклама қилишига ёрдам беради. Масалан, “Pringles” чипслари ўзига хос найсимон идишда сотилади. “Microsoft” операцион системаси ўрнатилган компьютер ёқилган пайтда ўзига хос товуш чиқаради. 1992 йили оёқ кийимлари ишлаб чиқарувчи франциялик дизайнер Кристиан Лубутен унинг пойабзалларига қандайдир қувват етишмаётганлигини пайқаб қолди. Шунда у бир ходимининг тирноғига ёрқин қизил лак суртиб олганини кўрди. “Оҳ, мана у! Топдим!” ўйлади у ва шу лакни пойабзалларнинг чармини бўяш учун синаб кўрди. Эндиликда Лубутен пойабзаллари қизил лакли чарм билан ишлаб чиқарилади, бу эса уни бир кўришдаёқ осонлик билан таниб олишга ёрдам беради. Унинг пойабзаллари ҳаттоки бу бренд ҳақида айтарлик билмаган одамларнинг ҳам эътиборини тортади.