Ал адам болмысы басқаша. Ол шикі болмысқа жатады. Яғни туған кезде оның кім болатынын, өлетін сәтте қандай күйге түсетінін ешкім болжай алмайды. Өмір – адамға мәң-гі өлмес БОЛМЫСҚА (BEING) айналу үшін Жаратушыдан берілген қайталанбас мүмкіндік. Бірақ оның шарты бар. Шар-ты – АР алдында, ҚОҒАМ алдында, ҰЛТ алдында, ҚҰДАЙ ал-дында қиналмай адамдық борышты арқалау. Сол жолда тартқан азабың мен көрген қорлығың үшін біреуден мүсір-кеу күтпеу, мақтау дәметпеу. Осы шартқа көніп, аманатты арқалап, қиын тағдырды саналы түрде сүріп шыққан адамға Тәңірсі мәңгілік БОЛМЫС күйін сыйға тартады. Бұдан соң адамның өзі өлсе де, оның БОЛМЫС сипаты кейінгі ұрпақтың жүрегіне от жағып, тіршілігіне оңынан әсер етіп тұра береді.