Бірінші. Өмірімде алдыма қойған нақты мақсатым бар, соған жету үшін тынбай алға ұмтылып, үздіксіз әрекет етемін. Осы күннен бастап сол бағытымнан таймаймын деп уәде беремін.
Екінші. Үнемі миыма келетін ойлардың түптің түбінде орындалып, физикалық сипат алатынын, материалдық затқа айналатынын түсінемін, сондықтан күніне 30 минут уақытымды бөліп, өзімді болашақта қандай күйде көргім келетінін елестетемін. Осылайша ақыл-ойымда өзім қалаған адамның нақты бейнесін жасаймын.
Үшінші. Өзін-өзі иландыру принципі арқасында үнемі ойымда жүрген қалауым мақсатыма жеткізу үшін нақты іс-қимылға ұласатынын білемін, сондықтан күніне 10 минут уақыт бөліп, өзімді сендіруді жетілдіруге күш саламын.
Төртінші. Өмірдегі басты мақсатымды айқындап, жазып қойдым. Енді соған бастайтын сенімім жеткілікті болғанша тоқтамаймын.
Бесінші. Шындық пен әділдікті ту етпеген байлық пен мансаптың ғұмыры ұзаққа бармайтынын білемін, сондықтан істес болған адамдардың ешбіріне пайда әкелмейтін іске араласпаймын. Айналысқан ісімнің бәріне игі күштерді тартамын, ізгі ниетті жандармен жұмыс істеймін.
Өзім адамдардың игілігіне қызмет еткім келеді, сондықтан олардың да маған қуана көмектескенін қалаймын. Жек көру, қызғаныш, бақталастық, күндестік пен сынап-мінеуден ада боламын, өйткені өзгелерге қарым-қатынасым нашар болса, ешқашан табысқа жетпейтінімді білемін. Басқа адамдар маған сенсе деймін, себебі өзім оларға және өзіме сенемін.