Ей, әлсіз қари1! Неліктен сенің бар еншің тек қана Құранның аяттарын айтып міңгірлеп, сол арқылы тіліңді қозғалту ғана болды?! Егер де сен өзіңнің не оқығаныңның мәнін түсінгенде, Пайғамбарымыздың (с.а.с.) қара сақалын ағартып жіберген Құран аяттары сенің де өтіңді жарып жіберер ме еді. Біліп қой, Алланың сөздерін жүрегінде емес, тек өз тілінде қайталаған қари (хафиз) Құранның сауаптарының жемісінен мақұрым қалады.