Экклесиаст кітабы дейсіз бе? Ол керемет қой. Сіз оны қайда сақтап едіңіз?
Монтэг қолымен басын көрсетіп;
— Мында, — деді.
— Ә, ә, — деді күліп Грейнджер.
— Не болды? Мен бір нәрсені дұрыс жасамадым ба? — деп сұрады Монтэг.
— Дұрыс жасағанда қандай! Өте дұрыс! — Грейнджер дін қызметшісіне бұрылып: — Бізде Экклесиаст кітабы бар ма еді? — деп сұрады.
— Иә, біреуі бар. Янгстаундағы Харрис есімді адам.
— Монтэг, — деді мұны иығынан қаусыра құшақтаған Грейнджер, — сақ жүріңіз, денсаулығыңызды сақтаңыз. Егер жаман айтпай, жақсы жоқ, Харриске бірдеңе болса, Экклесиастың жалғыз кітабы сіз боласыз. Бірер минуттың ішінде қандай құдіретке ие болғаныңызды көрдіңіз бе?