Сөйлеу барысында жаман әдеттерден қалай арылуға болады?
Сіз бұл әдеттерден қалай арыласыз? Кез келген әдет сияқты, ол тәртіпті қажет етеді. Мына үш әдісті қолданып көріңіз.
Біріншіден, таныс сөзді пайдаланып, өзіңізді тыңдаңыз. Жай ғана сөйлеу кезінде айтып жатқан сөздеріңізге назар аудару өте тиімді болуы мүмкін. Сіз қанша рет тоқтап, бастағаныңызды, қайталағаныңызды және «аа» дегеннің сөйлеуіңізге қалай кедергі жасайтынын түсінесіз. Осы әдістің өзі сіздің сөйлеуіңізді ретке келтіруге көмектеседі.
Екіншіден, не айтқыңыз келетінін алдын ала ойластырыңыз. Бұл сізге былайша да анық зат сияқты естілетінін білемін, бірақ көбінесе сөйлегенде бос сөздерді қолданудың себебі — сіз сөйлемнің ортасына жеткенде оны қалай аяқтау керектігін білмегендігіңізден болуы мүмкін. Бұл аузыңызды ашпас бұрын ойыңызда тұтас айтатын сөздеріңізді дайындап алу керек деген сөз емес, өйткені сіз бірінші сөйлеміңізді айтып жатып, екіншісін жоспарлай аласыз. Егер бұл қиын болып көрінсе де солай істеп көріңіз, сонда оның қиын емес екеніне көз жеткізесіз. Миымыз бізге бір уақытта екі нәрсені жасауға мүмкіндік беретін үлкен қабілетке ие. Кішкене жаттықсаңыз, кейін сізге бұлай жасау тіптен оңай көрінетін болады.
Үшіншіден, өзіңіздің сөйлегеніңізді мұқият тыңдап, сіз бос сөздер мен клишеге айналған фразаларды қолданған әр сәтте сізді тоқтатып отыратын «бақылаушыны» табыңыз. Бұл әдістің тиімділігі сізді таңқалдырады. «Бақылаушы» ретінде жұбайыңыздың, жақсы досыңыздың немесе жұмыстағы әріптесіңіздің көмегіне жүгінсеңіз болады. Әрбір бос сөз бен клише фраза үшін сізді бірден тоқтатуын сұраңыз (ол үшін «Тоқта!» сөзін қолдансаңыз болады). Сіздің «бақылаушыңыз» сізбен күніне кемінде бірнеше сағат уақытын өткізетін адам болуы керек. Бұл сіз үшін жағымсыз болады деп ойлайсыз ба? Әдістің тиімділігі де сонда. Бірнеше күн бойы осындай «теріс нығайтудан» кейін, сіздің өзіңіз қаламайтын сөздерді қолданудан аулақ бола бастайтыныңызға кепілдік беремін. Айтпақшы, бір уақытта тек бір