ANTEVASİN. Mənası belədir: “Sərhəddə yaşayan şəxs”. Qədim zamanlarda bu söz elə hərfi mənada işlənirdi. Dünyəvi həyatın mərkəzindəki səs-küyü tərk edib ilahi ustadlarının yaşadığı yerlərdə məskunlaşmaq üçün meşə qırağına gedən insanlara deyilirdi. Antevasin artıq kəndlilərdən biri və ya ənənəvi həyat tərzi keçirən ev sahibi deyildi. Amma hələ ki, üstünlük həddinə də çatmamışdı. İnsan ayağı dəyməyən meşələrdə yaşayan tam müdrikliyə çatmış şəxslərdən deyildi. Antevasin ikisinin arasında bir yerdə yaşayırdı. Sərhəddə idi. İki dünyanın da gözü qabağında yaşayaraq, naməlum olana baxırdı. O, elm adamı idi.