автордың кітабын онлайн тегін оқу  Ойналық та күлелік

Базар жырау Оңдасұлы

   Жабы мінген жөнелмес, 

Тіріде перне не көрмес.

Көтергенмен кеудесін,

Жақсыға жаман теңелмес.

Өлшеулі демі бітпесе,

Қырық жыл қырғын болғанмен -

Ажалы жетпей ер өлмес.

Тура құрық түскен соң,

Тырп етуге дәрмен жоқ,

Ұсынып мойын, кім көнбес?

Ойналық та , күлелік,

Сайран етіп жүрелік,

Өлген соң дәурен бір келмес!