Дайындаған: Елмұрат Ораз

 

«Шабыт» баспасы

Алматы, 2022

Естігүл

Болыпты Серік деген жетім бала,

Кезі екен жиырмаға келген жаңа.

Ішіне жиырманың келгенінше,

Баққаны осы жастың жалғыз ана.

Астында жалғыз ат пен он ешкі бар,

Ауқаты қолындағы осы ғана.

Үйленіп басын құрап ала алмапты,

Анасы қайтыс бопты қалған пана.

Дәстүрлі мұсылманның салтыменен,

10 Оқыпты тілек қылып жұрт жаназа.

Ел тарап үйді-үйіне кеткенінде,

Үйықтапты жылай-жылай болып наза.

Сол күні бала Серік түс көріпті,

Ғажайып нақ өңіндей іс көріпті.

Аллаға шүкірлік қып қуанғаннан,

Ойлапты бар ма екен деп түс жорушы.

Туыпты оңынан күн, солынан ай,

Көрсеткен осылайша Жаппар Құдай.

Шаттанып күндізгідей келе жатса,

20 Бар екен үлкен қорған бұл бақшада-ай.

Бақшадан үзіп алды екі алманы,

Көңілі қуанғаннан болыпты жай.

Шығыпты өз шаһарынан басқа жаққа,

Жоритын сол өңірден жан таба алмай.

Сонымен ай жүріпті, күн жүріпті,

Қосарын Алла неге кім біліпті.

Бір шаһарға қоналқы іздеп келе жатса,

Бір адам шаһар шетінен көрініпті.

Ат-тоны, киім-кешек, қоржын-қолаң,

30 Бар екен сымдап буған жүгі молаң.

Қасына қараңғыда жетіп кепті,

Шаһардың ұғайын деп жайын содан.

Бұл адам жетіп келсе көрікті қыз,

Тосыннан ойда жоқта жолықты қыз.

Келіпсің көп тостырмай кезінде деп,

Көтерген сымбал теңді беріпті қыз.

Жігіт те жарайды деп

...