автордың кітабынан сөз тіркестері  Міндеу мен күндеу

Шәкәрім Құдайбердіұлы

Әнге салып алаңдап, ұқпай жүрме,

Әншейін бір өлең ғой деп сөзімді.

Әдеп сақта жалғыз-ақ қате айтты деп,

Былшылдапты дей көрме, білсең шынын

Түзеймін деп қиратып күншілдікпен,

Дұрыс істі теріске бұрған қалай

Қатесін тап, күндеме, жамандама,

Кейде жөн, кейде қате айтқан шығар

Айтқанымды сынама деген емес,

«Күндеме де қарғама»- деген сөзі

У берді ме сусын деп, су берді ме,

Көзің жұм да жұта бер деген кім бар?

Кім айтса да сынамай қойма, жаным,

Ақылыңа сынатып ойла, жаным.

Пәленшекем айтқан сөз дұрыс қой деп,

Жүректің таразысын жойма, жаным

Сынға салып талғамай талапты жас,

Соның бәрін қатесіз жөн деп білер.

Олай емес, ойласаң, талай мін бар,

Бұрын шын, қаталы шын, анық шын бар