Кітаптан алынған дәйексөздер Сүреден сүзілген маржанавтор Есқожа Ермек Алтайұлы
«Алла берді екі жол,
Бірі оң да, бірі сол.
Ойланыңдар, бауырлар,
Дүние қысқа, ақырет мол
аппарат жасай алмас суды, сүтті, бал, майды.
Ең бір озық техника да, ғылымдар да дамыған
Тіпті шыбын-шіркейлердің өзін жасай алмайды.
Жаратушы жерді жайып, төсек етіп Төсеуші,
Таулар қандай, баулар қандай, нөсерлеген нөсер ше?!
Шебер, шебер дей бергенше ақылменен анықтап,
Бір тамшыдан Адам еткен «Алла шебер!» десеңші!91
Абайласақ адамзатты жаратыпты ерек қып,
Тік жүргізіп, жар сүйгізіп, қыз бен ұлды керек қып.
Сезім беріп, төзім беріп, иман беріп жүрекке,
Ақыл берді, қайрат берді хайуандардан бөлек қып.
Ыңғайлы етіп екі қолды ауызыңа ас бер деп,
Ішкен-жеген адалдан ба, әлде арам ба тексер деп.
Иісін сез деп мұрын беріп, түсін көр деп көз беріп,
Қабақ қойды көз үстіне зарар келмес ескер деп.
Қажалмасқа кірпік берді ашып-жұмып тұрғанда,
Қас беріпті көзге ақпас деп маңдайды тер жуғанда.
Бір-біріңді түсінгін деп дыбыс берді, сөз берді,
Тілімізді қимылдатып олай-бұлай бұрғанда.
Тұра аламыз осыдан соң қақпай қалай таңдайды,
Кетер деген кейбір ойлар келмепті ғой көлденең.
Әсерімен Жер Ананың бір қалыпты айланған,
Жаз бенен күз, көктем мен қыс бір-біріне байланған.
Жаздан кейін қыс боп кетпей, қыстан кейін жаз болмай
Көктемменен күз арқылы жаз бен қысқа дайындалған.
Бізге арнап көктен шатыр, жерден бесік төсепті,
Бұлтты сығып, тамшылатып өндірді гүл, көшетті.
Қаншама жыл бір тәртіппен ауысып тұр күн мен түн
Кім қойды екен бұл ғаламға бұлжымайтын есепті?!
Шыбын-шіркей, көбелекке, бал араға қараңыз,
Әрбірінен Құдайылық құдіретті табамыз.
Жан-жануар, өсімдіктер, аңдар, құстар, балықтар
Барлығына басшы еткен, біздер «Адам» боламыз.
Бар мазмұнды қамтыған бет «Жер шары» деп аталса,
Парақтардың парқы «Адам» рақым түскен көктегі.
Аспан деген шексіз әлем қарайықшы зерделеп,
Ай да, Күн де, жұлдыздар да құламай тұр жерге кеп.
Тарыдай боп тарап кетпей тартылып тұр барлығы,
Бірі от боп, бірі газ боп, бірі тас боп дөңгелеп.
Кімдер мұндай кереметті «кездейсоқ» деп айтады?
Ақылдылар әлдеқашан аяттан-ақ байқады,
«Тұрып қара, көздеріңді бұрып қара, бәрібір,
Ақау таппай екі көзің кері қарай қайтады...»90
Бізге берік бесік болған мекеніміз «Жер» деген,
Сансыз жылдар күнді айналып, бір кідіріп көрмеген.
Жанап күнге от боп жанып, әлде алыстап мұз болып,
Уа, адамдар! Сендерге Раббыларыңнан айқын да нақты дәлел келді һәм сендерге бәрін анық көрсетіп, жолдарыңды жарық ететін нұр түсірдік. Аллаға иман келтіріп, Одан бір сәтке де ажырамағандарды Алла Өзінің шексіз мейірімі мен шарапатына бөлейді және Өзіне төтесінен жеткізетін тура жолға салады
Ойланған жанға он тұтам ғана болып көрінетін өмірді құтырған нәпсінің құмарлығына құрбан етіп, болмашы ләззаттардың қойнында қойыртпаққа айналдырып жібергеннен өткен масқаралық бар ма?! Ойпырмай, біз мына дүниеге не үшін келдік? Адамзат керуені ғасырлар өткен сайын қай жаққа қарай тартып барады? Соңғы тұрағы, ең соңғы аялдамасы қай жер? Осындай жұмбақ ойлардың жауабын іздеу керек емес пе?!
«Ораза ұстаушы кісінің екі қуанышы бар. Бірі – ауызашар уақытында болса, екіншісі Алла разылығы көздеп ауыз бекіткені үшін Раббысынан сый-сияпатын алған кезінде»26
«Ораза ұстауды тастамаңдар, денсаулықтарың мықты болсын»25
لَعَلَّكُمْ تَتَّقُونَ Тақуалыққа қол жеткізерсіңдер. Бұл ұлы міндетті кемел түрде атқара отырып тақуалық атты қазынаға ие болыңдар. Нәпсілеріңе тұқыртып тұзақ салып, періштелерге жақын бір саптан орын алыңдар.