Кетер деген кейбір ойлар келмепті ғой көлденең.
Әсерімен Жер Ананың бір қалыпты айланған,
Жаз бенен күз, көктем мен қыс бір-біріне байланған.
Жаздан кейін қыс боп кетпей, қыстан кейін жаз болмай
Көктемменен күз арқылы жаз бен қысқа дайындалған.
Бізге арнап көктен шатыр, жерден бесік төсепті,
Бұлтты сығып, тамшылатып өндірді гүл, көшетті.
Қаншама жыл бір тәртіппен ауысып тұр күн мен түн
Кім қойды екен бұл ғаламға бұлжымайтын есепті?!
Шыбын-шіркей, көбелекке, бал араға қараңыз,
Әрбірінен Құдайылық құдіретті табамыз.
Жан-жануар, өсімдіктер, аңдар, құстар, балықтар
Барлығына басшы еткен, біздер «Адам» боламыз.
Сүреден сүзілген маржан
·
Есқожа Ермек Алтайұлы
