Ulug'bek Hamdam, «Bizdan rozi bo'ling, ota» (roman-esse) Odatda biror kitobga annotatsiya yozar ekanmiz, yozuvchining mahoratiyu asarning tarbiyaviy ahamiyati haqida to‘xtalamiz. Bu gal yondashuvni o‘zgartirib, savol bilan boshlaymiz. Xo‘sh, o‘quvchi nega qimmatli vaqtini sarflab, ushbu kitobni mutolaa qilishi kerak? Javob ham shu o‘rinda topiladi. Birinchi sabab — yozuvchining mashhurligi, muallifning bundan avvalgi kitoblari nafaqat o‘quvchilar, balki adabiy tanqidchilar tomonidan ham juda iliq kutib olingan. Tili, uslubi, zamon va makon tushunchalari o‘quvchini, so‘zsiz, «asir oladi». Ikkinchi sabab — mavzuning originalligi. Ijtimoiy yengil-yelpilikdan uzoqligi kitobga kiritilgan asarlar nomidan ham bilinib turibdi: «Bizdan rozi bo‘ling, ota», «Ota». Demak, otalik hissi, otalik burchi, otalik hukmi, otalik so‘zi… Uchinchi sabab — ushbu kitobga kirgan romanlarning hajmi. Kitob katta emas, ammo undan ikkita zabardast asar o‘rin olgan. Har ikkala roman, aytish mumkin bo‘lsa, yozuvchi ijodidagi yetuklik payti dunyoga kelgan. Yangi davr adabiyoti. Aybdorlik hissi, iztirob, armon, taskin hamda so‘zsiz va sassiz faryodlar aks etgan roman, deya izohlangani bejiz emas. Kitobni sovuqqonlik bilan, sokinlik bilan o‘qish qiyin. Mushohada va tahlil kitobxonni bir muddat tinch qo‘ymaydi… Mutolaadan keyin mehribon, jonkuyar va gunohkor ota haqidagi ushbu bitiklar yaqinlaringizga tavsiya etar ekansiz, to‘rtinchi sabab, sizda, albatta, bo‘ladi.
Жас шектеулері: 12+
Түпнұсқа жарияланған күн: 2022
Басылым шыққан жыл: 2025
Баспа: Yangi Asr Avlodi
Қағаз беттер: 240
Дәйексөздер21
Аслида, ғам ҳам Оллоҳнинг буюк бир неъмати. Уни тотиб кўриш керак, у билан суҳбат қуриш керак, лекин унга енгилмас
Афсуски, мен берган тарбия ҳам ўғлимни 19 ёшида ўз тақдирини ўзи тўғри белгилай олишига имкон бермади, беролмади... Шуларни ўйлаб, ичим надоматга тўлди... Ота, мени кечиринг!
Ҳақиқат – битта, деймиз, лекин унга элтувчи йўлнинг кўпдан-кўп бекатлари борлигига аҳамият бермаймиз. Гоҳо йўллар ҳам хилма-хил бўлади.