Аввало, телевизорга чиқишдан завқу шавқ туядиган ёшдан ўтган бўлсам, қолаверса, у ерга чиқиш учун у ёки бу мавзуга тайёргарлик кўриб умримни, журналист айтган жойга бориш учун эса бензинимни сарфласам ҳамда буларнинг эвазига ҳеч қандай моддий ҳақ олмасам, яна нега унга талпинай? Маънавий ҳақ дейсизми? Ҳа, у бор, албатта. Маънавий жиҳатдан ҳақ оламан, лекин у ҳам тўлиқ эмас-да. Чунки у ёки бу масалада энг муҳим деб ҳисоблаган гапларингизни, одатда, кесиб ташлашади. Олиб борилаётган сиёсатга уларнинг назарларида «тўғри келадиган» гапларингизгина эфирга узатилади, қолгани аёвсиз қайчиланади. Демак, бу ҳақни ҳам тўла-тўкис олабилмайсиз.
