Бироқ... доим Доннер нонушта қилаётганда ва Жимпи касса олдида турганда келадиган малласоч қувноқ аёл кириб келди. У ҳар келганида ёноқларимдан чимчилаб, «сенга яқинда гўзал қиз топамиз», деб ҳазил қилади. Баъзида буюртмаларни унинг уйига ҳам олиб бориб бераман. Беихтиёр унинг хариди қанча бўлганини ичимда ҳисобладим: 4 доллару 53 цент, Жимпи кассага неча пул уришини кўрмаслик учун тескари ўгирилдим. Бир тарафдан ҳақиқатни билиш учун орқамга қарагим келар, бошқа тарафдан эса гумоним тўғри чиқишидан қўрқардим.
