автордың кітабын онлайн тегін оқу  Беркініп садақ асынбай

Махамбет Өтемісұлы

Беркініп садақ асынбай,

Біртіндеп жауды қашырмай,

Білтеліге доп салмай,

Қорамсаққа қол салмай

Қозы жауырын оқ алмай,

Атқан оғы жоғалмай,

Балдағы алтын құрыш болат

Балдағынан қанға боялмай,

Қасарысқан жауына

Қанды көбік жұтқызбай,

Халыққа тентек атанбай,

Үйде жатқан жігітке

Төбеден тегін атақ болар ма?