автордың кітабын онлайн тегін оқу  Ақсеркеш

Біржан сал Қожағұлұлы

Ақсеркеш

Бір атты сатып міндім елу беске,

Болмайды, шапсаң - дағы қара кешке.

Бозбала, бекер сал боп неге керек,

Салып қал, шын сал болсаң, “Ақсеркешке”.

Бәйгеден озып келген атты алайын,

Ер жігіт сынамай ма бақ - талайын?

Жиылып үлкен - кіші отырғанда,

Толқытып “Ақсеркешке” мен салайын.

Жем жейді қара арғымақ түрт дегенде,

Аяғын жекей басар қық дегенде.

Жерлерге үш айшылық болады азық,

Аузынан жан қалқаның үп дегенде.