Ажал, маған арақ берсең,
Кейімей мас болып өлсем,
Қияметте түрегелсем,
Айықпай қуанып жүрсем.
Сұрау мастан алынбаса,
Күнәм кірге салынбаса,
Дозақ оты жалындаса,
Оны Жар нұры деп білсем.
Арақпен өртелген тәнім,
Азапты сезбесе жаным,
Күл отқа жанбауы мәлім,
Отымен ойнасам, күлсем.
Жалындап жанса мың есе,
Маған жалын білінбесе,
Екі жану арам десе,
Бейіске мас болып кірсем.
