Девид Беккер янги сотиб олган Vespa мотоциклида бир амаллаб Севилья аэропортига олиб борувчи катта йўлга тушиб олди. Йўл-йўлакай тизза ва билак бўғимлари мотоцикл ҳайдашга ўрганмаганидан оғриб кетган бўлишига қарамай, юраги гуппилаганча тезликка зўр берди.
Асосий терминалга етиб келганида соат миллари маҳаллий вақт билан роса тунги 02:00 ни кўрсатарди. Беккер дорбозлардек ҳаракатланаётган мотоциклнинг устига чиқиб олди ва йўлакка сакраб тушди. Мотоцикл йўлак четидаги тўсиққа бориб урилиб тўхтади. Беккер унга парво ҳам қилмасдан, аэропорт эшиги томон чопиб бораркан, ҳеч қачон
