автордың кітабынан сөз тіркестері  Оян Рух!. Өлеңдер Жинағы

Нарша Булгакбаев

Бір-бірімізді уладық,
Бір-бірімізді қорладық,
Кешірім неге сұрамадық?
Шүкірлік неге қылмадық?

Түсінгенінен не пайда,
Жүрегі қабылдамаса.

мір сүргенінен не пайда,
Түбінде қайыр болмаса.

Сөзді жүрекпен тыңдамаған,
Сөз шындығын таба алмас.

Жөнге салар көш бар ма?
Пайғамбар Сүннет жолынан.
Ақиқат құны қалды ма?
Адамзат жасаған амалдан.

Өлімді жиі еске ал,
Өзіңді сөйтіп тəрбиеле.
Ақыретті жиі еске ал,
Қалып қойма көлеңкеде.

Бұл дүние уақытша,
Қонақпыз аяқталғанша.

Өмірден күдер үзгендер,
Өзіне-өзі қол салар.
Өзін төмен санағандар,
Өзін-өзі қор қылар.

Байлықтан күдер үзгендер,
Кедейшілікке тап болар.
Өзгені төмен санағандар,
Тəкаппарлыққа тап болар.

Тойда ішкен бір күн мас,
Есі жоқтар күнде мас.
Құл болып кетпе жаманға,
Еріп кетпе арамға.