автордың кітабынан сөз тіркестері  Ўзлик сари етти қадам — 3. Мақсадларим, шошмай туринг

Жавлон Жўраев

Улар ўзгаларга (ҳатто ўзларига) шахсий эркинлик беришдек меҳрибончиликни раво кўрмайдилар. Бу уларнинг танлови.

Уларни шартсиз меҳр билан тўйинтиринг. Меҳрга тўйиб унган гул, атрофга фақат хушбўй ифор таратади. Фарзандларингиз меҳридан завқланган одамлар, уларни парвариш қилган боғбонларга раҳмат айтсинлар. Уларнинг миннатдорлиги ҳам — соф ҳолдаги меҳрдир.

Уларни шартсиз меҳр билан тўйинтиринг. Меҳрга тўйиб унган гул, атрофга фақат хушбўй ифор таратади.

Инсонпарварлик — бу одамларга ўз кўнгил истакларига интилишда далда бўлиш. Катта-катта мақсадлар йўлида кичик ютуқларга эришган дўстингиз қувончига шерик бўлиш — инсонпарварлик. Кимнингдир қалби истагига қараб борар йўлида шаштини туширадиган, уни «осмондан ерга қайтарадиган», уни ҳаётга реал қарашга ундайдиган гапларни айтишдан тийиниш — инсонпарварлик. Қалбининг хоҳишига эргашиб, катта ниятлар қилган одамнинг орзулари амалга ошиши ҳақида шубҳа қилмаслик, қилса ҳам бу ҳақида у одамга гапирмаслик — инсонпарварлик.

Инсонпарварлик — бу китобларда чиройли сўзлар билан таърифланадиган, фақат авлиёсифат одамларнинг қўлидан келадиган оғир бир юмуш эмас. Инсонпарварлик, кўпчилик ўйлагандай, ўзи қолиб, бошқалар ташвишида куйиб-пишиш ҳам эмас. Инсон ўзига меҳр кўрсатмасдан, бошқалар ғамини ейишида қандай инсонпарварлик бўлиши мумкин?

Одамларнинг қалб истакларига бефарқ бўлмаслик — ўнта Тож Маҳал қургандан афзал. Ўз қалбимиз истакларига қаршилик қилмаслик эса — юзта эҳром қургандан устун.

Фарзанд қалби миннатдорлик боис ота-онага ғамхўрлик қилишни истайди. Ота-онасига ғамхўрлик қилишни ўзига юк деб билган ёки буни умуман қилмаган фарзандни қоралашга шошилманг. Бундай фарзандни миннатдорчилик ортидан қалби айтган истакларга эргашадиган эмас, ақли айтган манфаатлар ортидан қувадиган қилиб тарбиялаган ким эканини эсланг.

Инсон қалбининг ягона мақсади — меҳр кўрсатиш. У шу мақсад йўлида кутади, талпинади, соғинади. Шу мақсадга интилиб, кимнидир севади. Унинг йўриқномасига биргина қоида битилган: меҳр бериш.

Эътиборни бошқариш — аҳд кучини бошқариш демакдир. Ҳар томонга қараган ҳаётий қувватни битта аҳд муштига жамлаб берувчи эътиборни назорат қила олсангиз — аҳд кучи сизнинг измингизда.

Яхшиси, танани ана шу ҳолатгача олиб бормаган маъқул. Эътиборни тартибга солиш учун қилинган машқлар танадаги қон айланишини яхшилабгина қолмай, ундаги қувват айланишини ҳам маромга келтиради.