Атырау толқындары

Жас ақын Асыланбек Шығырдың суреткерлік шеберлігі айқын көрініс тапқан бұл кітапқа өмір мен уақыт өлшемін өзінше бағамдаған өлеңдері еніп отыр. Өлең өлкесіне өзгеше мәнермен келген ақынның сезімі шалқар, тілі бай, қуатты поэзиясы ертеңінен үлкен үміт күттіреді.

Белгілі көсемсөзші, журналист Исатай Балмағамбетоватың эсселері тарихи тұлғалар мен жер атауларының сырын қамтиды. Кітапта күй алыбы Құрманғазы мен көрнекті ақын Ж.Нәжімеденов, жазушы Р.Отарбаевтың тағдыры суреттеледі.

Көрнекті ақын Әбу Сәрсенбаевтың проза жанрындағы тамаша туындысы «Капитан ұлы» теңіз тынысы, теңізшілер тіршілігін суреттейді. Жас теңізшінің арманы, өмірдің мәнін іздеуі, мақсатқа жету жолындағы балаң ізденісі, ұрпақтар сабақтастығы шығарманың арқауына негіз болған.

Есенжол Домбаевтың кітапқа енген "Арақтың әлегі", "Фамилия" әңгімелері адам бойындағы келеңсіз қасиеттерді сатира тілімен суреттейді. Күнделікті өмірде кездесетін оқиғалар мен кейіпкерлер әрі таныс, әрі таңғалдырады.

Ақын, аудармашы Бекет Қарашинның әңгімелерінде туыстық қарым-қатынас, адамдардың бауырмалдық, ізгілік қасиеттері қарапайым тілмен жеңіл суреттеледі. Қазақ халқының отбасылық дәстүрі мен таным-түйсігін күнделікті оқиғалар арқылы баяндалады.

Көрнекті композитор, жазушы Илья Жақанов — қазақ музыка өнері тарихының терең білгірі. Тыңдарманға ұсынылып отырған эсселер Қазақстанның батыс өңіріне танымал туындылардың шығу тарихын баяндайды.

Жас ақындар антологиясына атыраулық жас қаламгерлердің шығармалары еніп отыр. Жастық максимализм мен маххаббат жырлары, адалдық пен тазалықтың өлшемі жас ақындар өлеңдерінде көрініс тауып келеді.

Ақын Бақытгүл Бабаштың бұл кітабына еніп отырған өлеңдерде көңіл күйдің серпілістері мен табиғаттың тылсым құбылыстарының ішкі үйлесімдік үндестігі бар. Нәзік те сыршыл, мұңды жырларында қазақ қызының арман-аңсары, махаббат-сағынышы, жүрек толғанысы кестелі сөзбен өрнектелген. Сайын даланың төсінде еркін ескен самал желдей сағыныш симфониясын сездіретін сезімтал өлеңдер өз оқырманын поэзия патшалығына жетелейді.

Еділ — Жайық бойы жыраулық дәстүрі рухты, дауылпаз тарихымен ерекше. Доспамбет, Қазтуған, Жиембет бастаған жыраулар азаттық пен ел бірлігі үшін халық намысын қайрап, көркем де кестелі тілмен тарихта қалды.

Көрнекті композитор, жазушы Илья Жақановтың бұл эсселері "Таңғажайып махаббат" кітабынан алынған. Қазақ-қырғыз музыка тану өнерінде айрықша қолтаңбасы бар автор өзінің "Әсел" әндерінің бай тарихы туралы сыр шертеді.