Намаздағы әрбір әрекеттің өзінің символикалық мағынасы бар:
Қиямда (тік тұрып) қол байлап тұру – құрметтің белгісі. Рүкуғ жасап еңкею де құрмет саналады. Тізерлеп отыру – Жаратқанның алдында өзінің әлсіздігін білдіру. Сәждеге барып бас қою – Алла үшін барлық нәрсесін пида етудегі сүйіспеншілік пен құрметтің шыңы. Сәжде жасау – «Уа, Раббым, маған материалдық һәм рухани не аманат еткен болсаң, барлығын Сенің жолыңа жұмсауға дайынмын, Саған пида еттім, барлық болмысыммен Саған мойынсұндым» деген сөз.