Ілім күші шектен шықса, ілімін жаман жолға қолданады, бұл айлакерлік деп аталады. Кем болса нақұрыстық жасайды. Орта деңгейде болса, одан дұрыс шешімдер, дұрыс пікірлер, дұрыс ойлар және күшті пайымдар туындайды.

Ашу-ызаның күші шектен шықса, ол тәхәууір (қорықпаушылық) деп аталады. Аз болса жүрексіздік, батылсыздық деп аталады. Орта дәрежеде болса, яғни аз да, көп те болмаса бұл батылдық деп аталады. Батылдықтан кеңдік, қамқорлық, ержүректік, жұмсақтық, байсалдылық, сабырлылықпен ашуын жеңу және осы секілді мінездер туындайды. Ал қорықпаудан бәріне айқайлау, өзін жақсы көру, өзін жоғары санау, қатаң әрекет жасау, өзін қатерге тігу және сол сияқты мінездер туындайды. Аз болса, өзін төмен санау, бейшара, қамқорлықсыз және қор санау сипаттары туындайды.