Ел ішіне кең тараған шежіре дерегі бойынша Кіші жүз Жанарыстан (Бекарыс деп те атайды) – Ораш, одан – Мөңке би, одан – Арғымақ, Алау туған. Арғымақтан – Телеу, Рамадан, Жағалбайлы, Тама, Табын, Кердері, Керейт туып, бұлар «Жетіру» деп аталатын тайпалар бірлестігін құраған. Алау батырдан – Алшын, одан – Қыдыуыр тентек туған. Қыдыуырдан – Қыдырқожа, Қадырқожа (Қадырбай, Қыдырбай деп те атайды) туған. Қыдырқожа аса бай болған адам екен, содан лақап аты «Бай» («Байұлы») болып кетсе керек. Сол Қыдырқожаның (Байұлының) Жанбибі деген бәйбішесі қайтыс болған соң, балдызы Зәуреге үйленген.
Қазақтың ауызша тарихы
·
Ақселеу Сейдімбек
