Әйел затын гүлге теңейтіні бекер емес қой. Жаңа ғана желден тоңған қызғалдақ сияқты бүріскен қыз жылы сөзге жайнай кетті. Сонда қызды жамандаған жарым еркек дұрыс өспедің деп қызғалдаққа айып таққан бағбан сияқты екен-ау. Қызғалдақтың табиғаты қанша көркем болса да, тағдыры күтім еткен бағбанына тәуелді. Ал қыздың табиғаты қанша сұлу болса да, тағдыры қолына алған азаматына тәуелді. Қыз құстай боп азаматтың алақанына қонады-ақ, бірақ оны аялап әлпештеу де, табалап төмпештеу де күйеуінің қолында. Бұл әлемнің негізін алыс-беріс заңы құрайды. Адам арасындағы қарым-қатынас та сол заңға бағынады. Құрмет көрсетсең, құрмет көресің. Басқаны сүйсең, өзіңді сүйікті етесің. Жылу берсең, жылу аласың. Шіркін, мектепте қиын-қиын формуланың орнына осы бір оп-оңай есепті үйретсе ғой. Он бір жыл бойы оқытса да артық етпес еді.
Жүрекке билет
·
Зинелова Жібек
