Он екіге жас жетті,
Гүлдей жайнап Наурызбай.
Шыбықтай белі бұралып,
Кеуде шалқақ, қасы – жай.
Іздеп келді Кенені
Қарауылдан шығып Бөгенбай.
Кертайлақ атты ойнатып,
Дулыға қылыш жайнатып,
Табыннан келді Бұқарбай.
Иман, Дулат, ер Жәуке,
Үйсіннен Шәкір, Төлебай.
Ақауыз атпен алысып,
Шұбыртпалы Ағыбай.
Ұранға шыққан Меңдібай.
Бағаналы руы
Жанбары ұлы Тұрсынбай.
Атақты үлкен ұста еді
Соғатын сауыт-сайман-ай.
Атамбетұлы қос батыр –
Бөкенбай мен Шығамбай.
Орынбайұлы Жанайдар
Төртуылдан шыққан ер еді.