қилиш сингари ахмоқона одатга эгадирлар. Бунга энди барҳам берилади. Бундан ташқари, илдизлари номаълум қолаётган ғалати бир одат бор, яъни жониворлар якшанба кунлари эрталабда ўлган чўчқанинг ёғочга мих билан қоқилган бош чаноғи олдидан саф тортиб ўтадилар. Бу одатни ҳам тугатиш керак, бош чаноғини эса белгиланган тартибда дафн этиш лозим. Ташриф буюрганлар тўсинга осилган яшил байроқни кўрган бўлишлари мумкин. Улар шунга эътибор қаратишлари керакки, авваллари бу байроқда ҳайвон шохи ва туёғи тасвирланган эди, энди улар йўқ. Энди фақат тоза яшил матонинг ўзи бўлади.
