Gapimga e’tibor bering: men Xudo izlashni his deyapman, mulohaza deyayotganim yo‘q. Sababki, bu izlashlar mening mulohazalarim oqibatida kelib chiqqani yo‘q, qolaversa, u, hatto, mulohazalarimga butkul zid edi, bu izlash to‘g‘ridan-to‘g‘ri yurakdan chiqib kelgandi. Bu tuyg‘u jamiki yot, begona narsalar o‘rtasida qo‘rquv, yolg‘izlik, kimsasizlik tuyg‘usi va kimningdir yordamidan umidvorlik tuyg‘usi edi.