«Бейiсте бар сұлу жар,
Мінсiз таза хор қыздар
Рақат берер бал кәусар»,
Дейдi бiздiң молдалар.

Молдеке-ау, олай емес қой,
Қыз құшып, жеміс жемес қой.
Мысалмен айтқан кеңес қой.
Тәпсірлеуге миың тар.

Жалықпас, бітпес рақат бар
Азабы оттан қиын, тар.
Нәпсіге ерген молдалар
Қыз құшуға тым құмар.

Менің жарым қыз емес,
Ақиқаттың шын нұры.
Оны сезер сіз емес
Көзден таса бұл сыры.

Адамды жауға бермеуге
Жетсе қолды сермеуге.
ҚЫЗТЕКЕНІ емдеуге
Ақылдың қылған серті бар