Келинг, бақирадиган она бўлишдан сақланайлик, чунки...
Бақириш қўрқувни озиқлантиради
Катта одамнинг кичкина бола наздидаги қиёфасини хаёл қилиш учун қаршимизда бўйи 2 метр, вазни 150 кг бўлган мушакдор, танаси йирик бир инсон турганлигини кўз олдимизга келтиришимиз мумкин. Зеро, кичкина бир бола учун ота-онаси мана шундай кучли кўринади. Шу сабабли ҳам ҳар бир бола онасининг қўли юлдузларга етишига, ҳаттоки ойни олиб бера олиши мумкинлигига, отасининг эса бошқа барча оталарни ура олишига ишонади.
Улардан ҳам жисмоний ҳам ақлан устунлигимизга қарамай, бу ҳам етмагандек уларга овозимизни кўтарсак, тилимиз билан ҳужумга ўтиб, интизом ўрнатишга уринсак, бу ҳолат фарзандимизда биринчи навбатда «қўрқув» туйғуси юзага келишига сабаб бўлади. Болажонлар бунда «Менга итоат қилмасанг, сени қийнайман» деган маънони тушунадилар. Бу эса улкан зулмдир. Биз фарзандимизни ўз қўлларимиз билан кучсиз ва қўрқоқ қилиб қўямиз. Шунда улар ўзидан кучли инсонларга бўйин эгишга ўрганадилар. Биз ота-оналар эса келажакда фарзандимизда бу каби хусусиятлар бўлишини хоҳламаймиз, аммо бу шароитни уларга ўзимиз яратиб бераётганимизни эса тушунишни ҳам хоҳламаймиз
Кіру не тіркелу пікір қалдыру үшін