Тақсыр, кейде қанша мал тапсақ та, қадірімізді білмес ақымақ қатындар бар. Оларға да бір үгіт қылсаңызшы, – деді бір мұсылман.

– Бауырлар, мал тапқанды қатынға міндет қылмаңдар. Әсілі адами борыштарың бұл емес. Ақылдының мал табуға септігі жоқ, ақымақтың мал табуға кемдігі жоқ. Ер жігіт ілім ізденіп, тәлім-тәрбие, үлгілі сөз, өнегелі өрнек, нұрлы хикмет үйренуге, соны біреуге үйретуге міндетті.