Ей, достарым, жігіттерім
Ей, достарым, жігіттерім,
Болмасқа болушы болма.
Қолыңнан келсе қыл қайыр,
Кісіден алушы болма.
Жақсының жүзі жендетті –
Бір көруің ғанибетті.
Жаманның ісі міндетті
Зер берсе алушы болма!
Жоғары қарап оқ атпа,
Өзіңнің түсер қасыңа!
Ақылсыз жанды досым деп,
Басыңды қосып сыр айтпа:
Күндердің күні болғанда,
Ол жаман айғақ болар басыңа!
Бар күшіңді сынаспай,
Палуандарменен күреспе.
Таң боларсың әлемге,
Сөз боларсың көлемге.
Ақылсыз достан, ақылды дұшпан артық-ты:
Дұшпаныңнан бір сақтан!
Сырты май да, іші қан,
Ел ішінде жар-жора,
Достарыңнан бір сақтанғанда,
Кел, балалар, оқылық
·
Ыбырай Алтынсарин
