Жәһилден қорғалуы. Расулаллаға (с.а.с.) өшіккендердің көш басында Әбу Жәһил тұрды. Бір риуаятта Әбу Жәһил оның сәждеге барғанын «Мұхаммед әлі жүзін топыраққа үйкеп жүр ме?» – деп кекетіп: «Лат пен Уззаға ант етейін, енді соның сәждеде жатқанын көрсем, басынан теуіп, топыраққа өз қолыммен көміп тастаймын», – дейді. Айтқандай-ақ бірде Расулалланың намаз оқып тұрғанын байқап қалады да, арам пиғылын іске асырмақ боп, ту сыртынан жақындай түседі. Бір кезде қолымен әлденеден қорғаншақтап, кері қарай қаша жөнеледі. Мұны көрген жұрт түсінбей, не болғанын сұрайды. Үрейі ұшып, өңі сұрланып кеткен Әбу Жәһил: «Мұхаммедке жақындай бергенім сол еді, алдымнан жалыны көкке шапшыған от, түрі қорқынышты қанатты бірдеңелер пайда болды», – дейді. Алла елшісі бұл туралы: «Сол күні Әбу Жәһил маған жақындай түскенде періштелер оның қолын қол, бұтын бұт қылып бөлшектеп тастайтын еді» деген
Мұхаммед пайғамбар жайлы 100 дерек
·
Нұрлан Анарбаев
