Көптеген сәнбикелер жұртқа шығар алдында терісі тегіс, жарқырап әрі сау көрінуі үшін 9-10 сағат ұйықтауға тырысады. Медициналық зерттеулер ұйқы қартаюға қарсы бірден бір сайман екенін көрсетті. Біз ұйықтағанда, ағзаны біркелкі қызмет еткізу үшін қажет мелатонин, гормон бөлініп шығады екен. Оны бүршік без серотониннен бөліп шығарады, ал ол ұйқы мен сергу тәртібін реттеуге қатысады. Бұл гормон өзінің антиоксидант қасиетінің арқасында ғұмырды ұзартады, сонымен бірге төмендегі жасампаз әсерге ие:
• иммунитет көтереді;
• рактан қорғайды;
• инсулиннің табиғи жолмен бөлінуіне ықпал етеді;
• Альцгеймер ауруының өршуін баяулатады;
• остеопороз сырқатының алдын алады;
• жүрек-қантамыр жүйесінің мәселелерімен күреседі.