Ал қазіргі исламды насихаттаушылар бұл идеяны мүлде пайдаланбайды. Олар «Алла барлық затты жоқтан бар етті» деген классикалық көзқарасты тым жалпылама түрде уағыздағанды жақсы көреді. Соның кесірінен пайғамбардың ұлық образы көмескілене түседі. Ол бейне бір өзі де күтпеген жерден Құдайдан уахи алып, жаңа дін үшін арпалысып өтіп кеткен батырдай баяндалады.