Иманы кәміл мүмін адам өмірінде орын алған әрбір қуанышты сәт үшін Аллаға шүкіршілік қылса, душар болған кез келген қиындыққа кеуде керіп, Алланың разылығын көздеп сабырлық танытады. Осы амалы арқылы, Алла нәсіп етсе, екі дүниенің игілігіне жетеді.
Ал иманы әлсіз мұсылман болса, душар болған кез келген ауыртпалық пен қиындық үшін сабырсыздық танытып, орынсыз қобалжып, мұңға батып, ашуға берілу арқылы тағдырды кінәлайды. Сөйтеді де, қиындық бейнесінде келген сынақтың ауыртпалығы үстіне өз уайымы мен қайғысының да ауыртпалығын қосып алады. Сондай-ақ ол өзіне берілген нығметтің қадірін жете түсіне алмағандықтан, шүкіршілік те танытпайды. Нәтижесінде қолда бар нығметтің қадірін білмегені себепті, қайғы-мұңның шырмауына қамалып, жаны жай таппай, өмір сүру салтын қиындатып алады.
Сүннет энциклопедиясы (Кутуб ситта хадистері түсіндірмесімен бірге). 1-том
·
Есдәулет Ергелді
