Алла тағаладан өзге барлық нәрсенің, күллі жаратылыстың бастауы және соңы бар. Ұлы Жаратушыдан басқаның бәрі кейіннен пайда болған. Міне, Алла тағала осы кейіннен пайда болғандардың ешқайсысына ұқсамайды. Әрі олардан бөлек, өзгеше. Сондықтан ғұламалар: «Ақылға, қиялымызға, ойлау кеңістігімізге қандай нәрсені пайымдасақ та, Алла одан басқа, әрі өзгеше», – деп Хақ Тағаланың еш нәрсеге ұқсамайтындығына назарымызды аударған.