Ілім күші: Бұл зеректікті білдіреді. Оның жақсы болуы – рас сөз бен өтірік сөзді оңай ажыратуы. Істердегі жақсылықты жамандықтан, сенімде ақиқатты қатеден айыруы. Алла Тағала «Ол хикметті (даналықты) қалаған пендесіне нәсіп етеді. Кімге даналық берілген болса, расында, оған қыруар игілік берілгені. Алайда (бұл ақиқатты) тек шынайы ақыл иелері ғана терең түсініп, ғибрат ала алады»106 деген.

Ашу-ыза күшінің жақсылығы: Шариғаттың шеңберінде болу, шариғаттың бұйырғанымен отырып-тұру.

Құмарлық күші: Қарсы шықпау, шариғаттың және ақылдың шеңберінен шықпау. Осылайша шариғатқа бағыну ақыл мен шариғат арқылы оған оңайға соғады.

Әділдіктің жақсылығы: Ашу мен құмарлықты дін мен ақылдың ишарасы мен жол көрсетуінің шеңберінде ұстау.