Фатализмнің тағы бір кері әсері қоғамда болып жатқан оқиғаларға бейжай қарайтын конформистік көзқарас қа-лыптастырды. Мұғалімдер құқығының тапталуы, жазықсыз жандардың сотталуы, гептилдің төгілуі, сыбайлас жемқорлықтың асқынуы, жұмыссыздық, әйелдер ақысының тапталуы, баспана мәселесі сияқты проблемаларды көтеретін бірде-бір діни қайраткер шықпады. Жастарды ғылымбілім үйренуге, өркениетті елдердің тәжірибесін елге әкелуге шақыратын діни лидерлер мүлде қалмады. Осының бәрі – фатализмнің қоғамдағы көріністері.
Фатализмнің тағы бір қыры – әділдік үшін күреспеу.
«Алла бізге осы басшыны нәсіп етті. Оған бағыну уәжіп. Сынауға ақымыз жоқ. Басшыға қарсы келгенің – Құдайға қарсы келгенің. Басшы – Құдайдың жердегі көлеңкесі» деген түсініктер тамыр жайды. Мұның соңы басшының кемдігін көрмейтін, оны мүлде қателеспейді деп ойлайтын надандыққа ұласты. Қиянат көрсе ашық сынайтын әділетті би-шешеннің рөлі жойылды.