– Уа, Әбу Бәкір! Сен періштелердің ішінде жер бетіне рақым ала келетін Микайылға (а.с.), пайғамбарлардың ішінде «Уа, Раббым! Ол пұттар көптеген адамдарды тура жолдан тайдырды. Бұдан былай кім маған ерсе, ол сөзсіз менің үмбетім. Ал кімде-кім маған қарсылық білдірсе, шүбәсіз, Сен өте кешірімді, ерекше мейірімдісің»662 деген әзірет Ибраһимге және «Егер оларды азаптаймын десең, шүбәсіз, олар Сенің құлдарың. Ал егер оларды кешірсең, Сен ұлысың, бәрінен үстемсің һәм (әр ісің мен әрбір үкіміңде талай хикмет болған) асқан даналық иесісің»663 деген әзірет Исаға бек ұқсайсың, – деді. Артынша әзірет Омарға қарап:
– Уа, Омар! Сен періштелердің ішінде пәрменді әрі жауды жазалаудан жаңылмайтын Жәбірейілге, пайғамбарлардан «Уа, Раббым, жер бетінде кәпірлерден бірде бір адам қалдырма»664 деген әзірет Нұхқа және «Уа, Раббымыз! Олардың мал-мүліктерін (байлықтарын) түгін қалдырмай құртып жібер. Жүректерін одан әрі тас қылып қатайта түс (немесе шерге толтыр). Олардың жайы белгілі, олар ауыр азапты өз көздерімен көрмейінше иманға келмейді»665 деп жалбарынған әзірет Мұсаға қатты ұқсайсың
Мұхаммед пайғамбар (саллаллаһу аләйһи уә сәлләм) өмір жолы
·
Решит Хайламаз
