Ләйлі-Мәжнүн
Біле ме біздің қазақ ғашық жайын,

Ұқсаңыз, білгенімше сипаттайын.

Ғашықтық - махаббаттың ең күштісі,

Жүрекке қатты орнығар басқан сайын.

Әркімде ондай ғашық жаралмайды,

Шын асыл көп халыққа таралмайды.

Мәжнүннің Ләйлә менен сыры қиын,

Еш адам байыбына бара алмайды.

Талай жан оның жайын ұға алмаған,

Ойсыздың жүрегіне жұға алмаған.

«Тез оңар, әсіреқызыл болмаған соң,