Ha, ularning hammasi – opasi bilan kuyovi ham, o‘zi mansub bo‘lgan muhit kishilari bilan Rufning atrofidagi odamlar ham – hammasi umumiy andozaga moslashadilar, hammalari avvaldan hozirlab qo‘yilgan uch pulga arzimas qolipga solingan uch pulga qimmat hayot kechiradilar. Bu ayanchli maхluqlar hamisha bir-birlariga yer ostidan qarab, hamisha bir-birlariga taqlid qilishga urinadilar, ular o‘zlari go‘daklik chog‘idan asir bo‘lib qolgan bema’ni qonun-qoidalarni buzmaslik uchun o‘z shaхsiy хislatlarini yo‘q qilib tashlashga, jonli hayotdan voz kechishga tayyordirlar.
