Ендеше, барлық игіліктің, береке мен бақыттың кілті – Алладан қорқу. Мына уақытша әрі жалған дүниеде, әрбір сәтте ажалымызды күтіп жүретін фәни өмірде дініміз бен кітабымыздың ақылға қонымды әмірлерін неге орындамасқа?! Ақтық деміміз таусылып, көз жұмған сәтімізде қолымызда не қалады, тағы не істей аламыз? Барлық жақсы-жаман амалдарымыз, қалауларымыз, сенім артқан және ашкөзділікпен жинаған мал-дүниеміз, бар байлығымыз артта қалады. Өзімізбен бірге алып кетуге бұйырары қос құлаш кебін ғана болмақ.
Сауабы мол құлшылық – ораза
·
Шынар Әділова
