– Нима? – дедим Фибига. У менга нимадир деди, лекин англолмай қолдим.
– Ана, битта ҳам яхши кўрадиган нарсанг йўқ.
– Ундай эмас. Яхши кўрадиган нарсам бор.
– Яхши. Қани эшитайлик-чи.
– Мен Эллини яхши кўраман, – дедим. – Бундан ташқари ҳозир қилаётганларимни яхши кўраман – ёнингда ўтиришни, сен билан гаплашишни, бир нарсалар ҳақида ўйлашни ва…
– Элли ўлган! Уни яхши кўришингни айтаверасан! Одам ўлдими, руҳи осмонга учиб кетдими, тамом! Кейин уни…
– Ҳа, у ўлган! Нима, буни билмайди деб ўйлайсанми? Уни ҳалиям яхши кўраман, тушундингми? Биров ўлди дегани энди уни яхши кўролмайсан дегани эмас, Худо ҳақи. Айниқса ўша одам тирик танишларингдан кўра минг чандон яхши бўлса.
Жавдарзордаги халоскор
·
Жером Сэлинжер
